കോഴിക്കോട്: ദേശീയപാത 66-ൽ കെഎസ്ആർടിസി ബസ് ഡ്രൈവർ നടത്തിയ അപകടകരമായ ഡ്രൈവിംഗ് നടപടി വിവാദമാകുന്നു. ടോൾ പ്ലാസയിൽ ഫാസ്റ്റാഗിൽ മതിയായ ബാലൻസ് ഇല്ലെന്ന കാരണത്താൽ ബസ് മുന്നോട്ട് പോകാതെ തിരിച്ച് ദേശീയപാതയുടെ എതിർവശത്തുകൂടി സഞ്ചരിച്ച് യു-ടേൺ എടുത്ത് സർവീസ് റോഡിലൂടെ യാത്ര തുടർന്നതായാണ് ദൃശ്യങ്ങളിൽ നിന്ന് വ്യക്തമാകുന്നത്.ദേശീയപാതയിൽ എതിർദിശയിൽ വാഹനം ഓടിച്ചത് മറ്റ് വാഹനയാത്രികരുടെ സുരക്ഷയെ ഗുരുതരമായി ബാധിച്ചുവെന്നാണ് ആക്ഷേപം. സംഭവം സോഷ്യൽ മീഡിയയിൽ വ്യാപകമായി പ്രചരിച്ചതോടെ ഡ്രൈവറുടെ നടപടിക്കെതിരെ ശക്തമായ വിമർശനങ്ങളാണ് ഉയരുന്നത്.നിയമലംഘനവും പൊതുസുരക്ഷയെ അപകടത്തിലാക്കുന്നതുമായ ഇത്തരം നടപടികൾക്കെതിരെ കർശന നടപടി സ്വീകരിക്കണമെന്ന് യാത്രക്കാരും നാട്ടുകാരും ആവശ്യപ്പെട്ടു. സംഭവത്തിൽ മോട്ടോർ വാഹന വകുപ്പും ബന്ധപ്പെട്ട അധികൃതരും അന്വേഷണം നടത്തി ആവശ്യമായ നടപടി സ്വീകരിക്കണമെന്നാണ് ആവശ്യം.
Malabar Jagratha News Live 📰