തിരുവനന്തപുരം: മാസപ്പടി കേസിലെ അന്വേഷണത്തിൽ നിർണായക നീക്കവുമായി എൻഫോഴ്സ്മെന്റ് ഡയറക്ടറേറ്റ് (ഇഡി). കേസുമായി ബന്ധപ്പെട്ട് Veena Vijayan ഉപയോഗിച്ചിരുന്ന ബാങ്ക് ലോക്കർ ഇഡി ഉദ്യോഗസ്ഥർ പരിശോധിച്ചു. തിരുവനന്തപുരത്തെ HDFC Bank ശാഖയിലാണ് പരിശോധന നടന്നത്.കൊച്ചിയിലെ ഇഡി ഓഫീസിൽ മണിക്കൂറുകളോളം നീണ്ട ചോദ്യം ചെയ്യലിന് പിന്നാലെയാണ് ലോക്കർ പരിശോധന നടത്തിയത്. ലോക്കറിൽ സ്വർണം ഉൾപ്പെടെയുള്ള വിലപിടിപ്പുള്ള വസ്തുക്കൾ സൂക്ഷിച്ചിരുന്നുവെന്ന വിവരങ്ങളുടെ അടിസ്ഥാനത്തിലാണ് നടപടി. ബാങ്ക് അക്കൗണ്ടുകളുമായി ബന്ധപ്പെട്ട രേഖകളും ഉദ്യോഗസ്ഥർ പരിശോധിച്ചതായാണ് വിവരം.പരിശോധനയുടെ ഭാഗമായി ബാങ്ക് പരിസരത്ത് കർശന സുരക്ഷ ഒരുക്കിയിരുന്നു. കേന്ദ്ര സേനാംഗങ്ങളടക്കം സ്ഥലത്ത് വിന്യസിച്ചിരുന്നുവെന്നും ഉന്നത പൊലീസ് ഉദ്യോഗസ്ഥരെ വിവരം അറിയിച്ചിരുന്നുവെന്നും റിപ്പോർട്ടുകളുണ്ട്.അതേസമയം, കേസിൽ വീണ വിജയനെ വീണ്ടും ചോദ്യം ചെയ്യാനുള്ള സാധ്യത തള്ളിക്കളയാനാകില്ലെന്നാണ് അന്വേഷണ വൃത്തങ്ങൾ പറയുന്നത്. നേരത്തെ നൽകിയ മൊഴികളും ബാങ്ക് രേഖകളും ലോക്കർ പരിശോധനയിൽ ലഭിക്കുന്ന വിവരങ്ങളും വിലയിരുത്തിയ ശേഷമാകും ഇഡിയുടെ തുടർനടപടികൾ.ക്യാപ്ഷൻ:മാസപ്പടി കേസിൽ അന്വേഷണം ശക്തമാക്കി ഇഡി; വീണ വിജയന്റെ ബാങ്ക് ലോക്കർ പരിശോധന നടത്തി.