ന്യൂഡൽഹി: നീറ്റ് പുനഃപരീക്ഷ എഴുതാനെത്തുന്ന ലക്ഷക്കണക്കിന് വിദ്യാർഥികളുടെ യാത്ര സുഗമമാക്കാൻ പ്രധാനമന്ത്രി നരേന്ദ്ര മോദി തന്റെ യാത്രാ ക്രമീകരണത്തിൽ മാറ്റം വരുത്തിയതായി റിപ്പോർട്ട്. പരീക്ഷാകേന്ദ്രങ്ങളിലേക്കുള്ള ഗതാഗതം തടസപ്പെടാതിരിക്കാനാണ് വിമാനത്താവളത്തിൽ കുറച്ചുസമയം കാത്തിരുന്നത്. വിദ്യാർഥികളുടെ സൗകര്യത്തിനും പരീക്ഷയുടെ സുഗമമായ നടത്തിപ്പിനും കേന്ദ്ര സർക്കാർ പ്രത്യേക ശ്രദ്ധ നൽകിയ സാഹചര്യത്തിലാണ് പ്രധാനമന്ത്രിയുടെ ഈ നടപടി ശ്രദ്ധ നേടുന്നത്.