തിരുവനന്തപുരം: എൻഫോഴ്സ്മെന്റ് ഡയറക്ടറേറ്റ് (ED) ഉദ്യോഗസ്ഥർക്കെതിരേ ആക്രമണം ഉണ്ടായിട്ടില്ലെന്ന് സിപിഎം സംസ്ഥാന സെക്രട്ടേറിയറ്റ് അംഗം എം. സ്വരാജ് പറഞ്ഞു. മാധ്യമങ്ങളിലൂടെ പ്രചരിക്കുന്ന ചില ആരോപണങ്ങൾ യാഥാർഥ്യവിരുദ്ധമാണെന്നും സംഭവത്തെ രാഷ്ട്രീയമായി വളച്ചൊടിക്കാനുള്ള ശ്രമങ്ങളാണ് നടക്കുന്നതെന്നും അദ്ദേഹം ആരോപിച്ചു.
ഇ ടി ഉദ്യോഗസ്ഥർ മടങ്ങുന്നതിനിടെ ഉണ്ടായ സംഘർഷവുമായി ബന്ധപ്പെട്ട വിവാദങ്ങൾക്കിടെയാണ് എം. സ്വരാജിന്റെ പ്രതികരണം. ജനങ്ങളുടെ പ്രതിഷേധത്തെ ആക്രമണമായി ചിത്രീകരിക്കുകയാണെന്ന് അദ്ദേഹം പറഞ്ഞു. നിയമപരമായ നടപടികൾക്ക് എതിരല്ല സിപിഎം നിലപാടെന്നും, എന്നാൽ രാഷ്ട്രീയ ലക്ഷ്യത്തോടെ കേന്ദ്ര ഏജൻസികളെ ഉപയോഗിക്കുന്നതിനെതിരെ ശക്തമായ പ്രതിഷേധം തുടരുമെന്നും അദ്ദേഹം കൂട്ടിച്ചേർത്തു.
സംഭവവുമായി ബന്ധപ്പെട്ട കൂടുതൽ വിവരങ്ങൾ പുറത്തുവരാനിരിക്കെ രാഷ്ട്രീയ രംഗത്ത് വിഷയത്തിൽ ചർച്ചകൾ ശക്തമാണ്