തിരുവനന്തപുരം: ലഹരി ഉപയോഗവും അനധികൃത മയക്കുമരുന്ന് വ്യാപനവും തടയുന്നതിനുള്ള ആഗോള ബോധവത്കരണത്തിന്റെ ഭാഗമായി ഇന്ന് (ജൂൺ 26) ലോക ലഹരി വിരുദ്ധ ദിനം ആചരിക്കുന്നു. ഐക്യരാഷ്ട്രസഭയുടെ ആഹ്വാനപ്രകാരം ലോകമെമ്പാടും വിവിധ ബോധവത്കരണ പരിപാടികളാണ് സംഘടിപ്പിക്കുന്നത്.കേരളത്തിലും സർക്കാർ വകുപ്പുകൾ, എക്സൈസ്, പോലീസ്, ആരോഗ്യ വകുപ്പ്, വിദ്യാഭ്യാസ സ്ഥാപനങ്ങൾ, സന്നദ്ധ സംഘടനകൾ എന്നിവയുടെ നേതൃത്വത്തിൽ ലഹരിവിരുദ്ധ റാലികൾ, പ്രതിജ്ഞകൾ, സെമിനാറുകൾ, ബോധവത്കരണ ക്ലാസുകൾ എന്നിവ നടക്കുന്നു.പ്രത്യേകിച്ച് യുവതലമുറയെ ലക്ഷ്യമിട്ടുള്ള ലഹരി ഉപയോഗം വർധിക്കുന്ന സാഹചര്യത്തിൽ കുടുംബങ്ങളും വിദ്യാഭ്യാസ സ്ഥാപനങ്ങളും സമൂഹവും കൂടുതൽ ജാഗ്രത പുലർത്തണമെന്ന് അധികൃതർ അഭ്യർഥിച്ചു. ലഹരിമുക്ത സമൂഹം സൃഷ്ടിക്കാൻ പൊതുജനങ്ങളുടെ സഹകരണം അനിവാര്യമാണെന്നും അധികൃതർ വ്യക്തമാക്കി.”ലഹരിയല്ല, ജീവിതമാണ് തിരഞ്ഞെടുക്കേണ്ടത്” എന്ന സന്ദേശം ഉയർത്തിപ്പിടിച്ചാണ് ഇത്തവണത്തെ ലോക ലഹരി വിരുദ്ധ ദിനാചരണം.