: വയനാട്–കോഴിക്കോട് ദേശീയപാതയിലെ താമരശ്ശേരി ചുരത്തിൽ ഓടിക്കൊണ്ടിരുന്ന കാറിന് മുകളിലേക്ക് വലിയ മരം വീണു. കനത്ത മഴക്കും ശക്തമായ കാറ്റിനുമിടെയായിരുന്നു സംഭവം. അപകടത്തിൽ വാഹനത്തിന് കേടുപാടുകൾ സംഭവിച്ചെങ്കിലും യാത്രക്കാർ തലനാരിഴയ്ക്ക് രക്ഷപ്പെട്ടതായാണ് വിവരം. മരം റോഡിലേക്ക് വീണതോടെ ചുരത്തിൽ ഗതാഗത തടസവും അനുഭവപ്പെട്ടു. തുടർന്ന് ഫയർഫോഴ്സും നാട്ടുകാരും ചേർന്ന് മരം മുറിച്ചുമാറ്റി ഗതാഗതം പുനഃസ്ഥാപിക്കാൻ നടപടി തുടങ്ങി.