സംസ്ഥാന സാക്ഷരതാ മിഷന് അതോറിറ്റിയും പട്ടികജാതി വികസന വകുപ്പും സംയുക്തമായി നടപ്പാക്കുന്ന നവചേതന നാലാംതരം–ഏഴാംതരം തുല്യതാ പദ്ധതിയുടെ ഭാഗമായി ജില്ലയിലെ ഇന്സ്ട്രക്ടര്മാര്ക്ക് ദ്വിദിന പരിശീലന പരിപാടിക്ക് തുടക്കം കുറിച്ചു.ജില്ലാ സാക്ഷരതാ മിഷന് ഹാളില് നടന്ന പരിശീലന പരിപാടി ജില്ലാ പഞ്ചായത്ത് പ്രസിഡന്റ് മില്ലി മോഹന് കൊട്ടാരത്തില് ഉദ്ഘാടനം ചെയ്തു. ജില്ലാ പഞ്ചായത്ത് സെക്രട്ടറി വി.കെ. മുരളി അധ്യക്ഷത വഹിച്ചു. സാക്ഷരതാ മിഷന് ജില്ലാ കോഓര്ഡിനേറ്റര് പി.എന്. ബാബു പദ്ധതി വിശദീകരണം നടത്തി.ടി.സി. നാരായണന്, പി.കെ. അഞ്ജലി, പി. ഷെമിത കുമാരി എന്നിവര് ചടങ്ങില് സംസാരിച്ചു. റിസോഴ്സ് പേഴ്സണ്മാരായ സി. ദിവ്യ, എം. അശ്വിന്, കെ.ടി. സല്മ, ഷിന്ജിതാമണി, കെ. സുചിത്ര, ജസ അഞ്ജലി, ടി.പി. ബിന്ദു എന്നിവര് ക്ലാസുകള് കൈകാര്യം ചെയ്തു.ജില്ലയില് പദ്ധതിയുടെ ഭാഗമായി ഏഴാംതരം തുല്യതയ്ക്ക് 200 പേരും നാലാംതരം തുല്യതയ്ക്ക് 100 പേരുമാണ് രജിസ്റ്റര് ചെയ്തിരിക്കുന്നത്. ചക്കിട്ടപ്പാറ, കോടഞ്ചേരി, കീഴരിയൂര്, കൂടരഞ്ഞി, കാവിലുംപാറ, മൂടാടി, തിരുവമ്പാടി, കൊടിയത്തൂര് എന്നീ പഞ്ചായത്തുകളിലാണ് പദ്ധതി നടപ്പാക്കുന്നത്.