ന്യൂഡൽഹി: രാജ്യത്തെ പരമോന്നത സിവിലിയൻ ബഹുമതികളിലൊന്നായ പദ്മ പുരസ്കാരങ്ങൾ രാഷ്ട്രപതി ഭവനിൽ നടന്ന ചടങ്ങിൽ വിതരണം ചെയ്തു. മലയാള സിനിമയുടെ അഭിമാനതാരമായ Mammootty പദ്മഭൂഷൺ പുരസ്കാരം രാഷ്ട്രപതിയിൽ നിന്ന് ഏറ്റുവാങ്ങി.അഞ്ച് പതിറ്റാണ്ടിലേറെയായി ഇന്ത്യൻ സിനിമയ്ക്ക് നൽകിയ സമഗ്ര സംഭാവനകളും അഭിനയ മികവും പരിഗണിച്ചാണ് മമ്മൂട്ടിയെ പദ്മഭൂഷൺ നൽകി ആദരിച്ചത്. നൂറുകണക്കിന് ചിത്രങ്ങളിലൂടെ മലയാള സിനിമയെ ദേശീയ-അന്തർദേശീയ തലങ്ങളിൽ ശ്രദ്ധേയമാക്കിയ മമ്മൂട്ടിയുടെ നേട്ടങ്ങൾക്കുള്ള അംഗീകാരമായാണ് ഈ ബഹുമതി വിലയിരുത്തപ്പെടുന്നത്.ചടങ്ങിൽ വിവിധ മേഖലകളിൽ ശ്രദ്ധേയ സംഭാവനകൾ നൽകിയ വ്യക്തികൾക്കും പദ്മവിഭൂഷൺ, പദ്മഭൂഷൺ, പദ്മശ്രീ പുരസ്കാരങ്ങൾ സമ്മാനിച്ചു. മമ്മൂട്ടിക്ക് ലഭിച്ച ഈ അംഗീകാരം മലയാള സിനിമാ ലോകത്തിനാകെ അഭിമാന നിമിഷമായി.