ഫറോക്ക്: നല്ലൂർ ശിവക്ഷേത്രത്തിൽ പ്രതിഷ്ഠാ വാർഷികോത്സവം ഭക്തിസാന്ദ്രമായ അന്തരീക്ഷത്തിൽ വിപുലമായ പരിപാടികളോടെ ആഘോഷിക്കുന്നു .രാവിലെ പ്രത്യേക പൂജകളും അഭിഷേകങ്ങളും തുടർന്ന് പ്രതിഷ്ഠാ വാർഷിക ചടങ്ങുകളും നടന്നു. നൂറുകണക്കിന് ഭക്തർ ചടങ്ങുകളിൽ പങ്കെടുത്ത് പ്രാർത്ഥന നടത്തി.ഉത്സവത്തിന്റെ ഭാഗമായി ക്ഷേത്രാങ്കണത്തിൽ ആനയൂട്ട് സംഘടിപ്പിച്ചു. നിരവധി ഭക്തരും നാട്ടുകാരും ആനയൂട്ടിൽ പങ്കാളികളായി. ഭക്തജനങ്ങൾക്കായി അന്നദാനവും ഒരുക്കിയിരുന്നു. വിവിധ പ്രദേശങ്ങളിൽ നിന്നെത്തിയ വിശ്വാസികൾ അന്നദാനത്തിൽ പങ്കെടുത്ത് പ്രസാദം സ്വീകരിച്ചു.ക്ഷേത്ര ഭാരവാഹികളുടെയും ഭക്തജനങ്ങളുടെയും നേതൃത്വത്തിൽ നടന്ന പ്രതിഷ്ഠാ വാർഷികോത്സവം ഭക്തിനിർഭരമായ അന്തരീക്ഷത്തിലാണ് നടക്കുന്നത്.