: മലയാള സിനിമയുടെ അഭിമാനതാരമായ മമ്മൂട്ടി ക്ക് മഹാത്മാ ഗാന്ധി യൂണിവേഴ്സിറ്റി യുടെ ഓണററി ഡോക്ടറേറ്റ് സമ്മാനിച്ചു. സർവകലാശാല സംഘടിപ്പിച്ച പ്രത്യേക ചടങ്ങിൽ ഗവർണർ രാജേന്ദ്ര അർലേക്കാർ യാണ് ഡി.ലിറ്റ് ബിരുദം നൽകി ആദരിച്ചത്.ഇന്ത്യൻ സിനിമയ്ക്കു നൽകിയ സമഗ്ര സംഭാവനകൾ പരിഗണിച്ചാണ് മമ്മൂട്ടിയെ സർവകലാശാല ആദരിച്ചത്. അഭിനയ രംഗത്ത് നാല് പതിറ്റാണ്ടിലേറെയായി തന്റേതായ വ്യക്തിമുദ്ര പതിപ്പിച്ച താരം മലയാള സിനിമയെ ആഗോളതലത്തിൽ ശ്രദ്ധേയമാക്കുന്നതിൽ നിർണായക പങ്കുവഹിച്ച വ്യക്തിയെന്ന നിലയിലാണ് അംഗീകാരം.മമ്മൂട്ടിക്കൊപ്പം പ്രശസ്ത നാദസ്വര വിദ്വാൻ തിരുവിഴ ജയശങ്കർ ക്കും പ്രമുഖ വാസ്കുലർ സർജൻ Dr. N. രാധാകൃഷ്ണൻ ക്കും ചടങ്ങിൽ ഓണററി ബിരുദങ്ങൾ നൽകി. വിവിധ മേഖലകളിൽ നൽകിയ അസാധാരണ സംഭാവനകളെ മാനിച്ചായിരുന്നു സർവകലാശാലയുടെ ആദരം.ഇതിന് മുമ്പും യൂണിവേഴ്സിറ്റി ഓഫ് കേരള , യൂണിവേഴ്സിറ്റി ഓഫ് കാലിക്കറ്റ് എന്നിവിടങ്ങളിൽ നിന്നും മമ്മൂട്ടിക്ക് ഡോക്ടറേറ്റ് ലഭിച്ചിരുന്നു. എംജി സർവകലാശാലയുടെ അംഗീകാരം കൂടി ലഭിച്ചതോടെ അദ്ദേഹത്തിന്റെ നേട്ടപ്പട്ടികയിൽ മറ്റൊരു പൊൻതൂവൽ കൂടി ചേർന്നു.