താമരശ്ശേരിയിൽ വാഹന ചാർജിങ് മെഷീനുള്ളിൽ പെരുമ്പാമ്പിൻ്റെ കുഞ്ഞിനെ കണ്ടെത്തിയത് ആശങ്കയുണ്ടാക്കി. വാഹനം ചാർജ് ചെയ്യാനെത്തിയ യാത്രക്കാരാണ് മെഷീനിനുള്ളിൽ പാമ്പിനെ ആദ്യം ശ്രദ്ധിച്ചത്.സംഭവം ശ്രദ്ധയിൽപ്പെട്ടതോടെ പ്രദേശത്ത് ചെറിയ പരിഭ്രാന്തി നിലനിന്നു. തുടർന്ന് വിവരം ലഭിച്ചതിനെ തുടർന്ന് വന്യജീവി രക്ഷാപ്രവർത്തകനായ ബാലകൃതി സ്ഥലത്തെത്തി സൂക്ഷ്മമായി പെരുമ്പാമ്പിൻ്റെ കുഞ്ഞിനെ പുറത്തെടുത്തു.പാമ്പിനെ സുരക്ഷിതമായി പിടികൂടിയ ശേഷം വനമേഖലയിലേക്ക് മാറ്റിയതായി അറിയിച്ചു. സംഭവത്തെ തുടർന്ന് ചാർജിങ് സ്റ്റേഷനിലെ ജീവനക്കാരും യാത്രക്കാരും ജാഗ്രത പാലിക്കണമെന്ന് അധികൃതർ നിർദേശിച്ചു.