തിരുവനന്തപുരം: കേരള കാർഷിക സർവകലാശാലയുടെ വൈസ് ചാൻസലറായി ഡോ. സജിത റാണിയെ ഗവർണർ നിയമിച്ചു. സർക്കാർ നിർദേശിച്ച പേരുകൾ പരിഗണിക്കാതെയായിരുന്നു നിയമനം നടന്നത്.നിയമനത്തിന് പിന്നാലെ സർക്കാർ ശക്തമായ പ്രതിഷേധവുമായി രംഗത്തെത്തി. സർക്കാർ നൽകിയ പാനലിൽ നിന്ന് മെറിറ്റ് അടിസ്ഥാനത്തിൽ നിയമനം നടത്തേണ്ടതിന് പകരം ഏകപക്ഷീയമായ തീരുമാനമാണ് ഗവർണർ സ്വീകരിച്ചതെന്ന് ഉന്നത വിദ്യാഭ്യാസ മന്ത്രി റോജി എം. ജോൺ ആരോപിച്ചു. വിഷയത്തിൽ നിയമനടപടികൾ സ്വീകരിക്കുന്ന കാര്യം സർക്കാർ ആലോചിക്കുകയാണെന്നും അദ്ദേഹം വ്യക്തമാക്കി.അതേസമയം, നിയമനത്തെതിരെ വിദ്യാർഥി സംഘടനകളും പ്രതിഷേധം അറിയിച്ചു. ഗവർണറുടെ നടപടി ജനാധിപത്യ സംവിധാനത്തോടുള്ള വെല്ലുവിളിയാണെന്നും തീരുമാനം പിൻവലിക്കണമെന്നും എസ്.എഫ്.ഐ ആവശ്യപ്പെട്ടു.ഗവർണറുടെ തീരുമാനം സംസ്ഥാനത്ത് വീണ്ടും സർവകലാശാല ഭരണവുമായി ബന്ധപ്പെട്ട രാഷ്ട്രീയ-നിയമപരമായ ചർച്ചകൾക്ക് വഴിവെച്ചിരിക്കുകയാണ്.