വനമന്ത്രിയുടെ യാത്ര തടഞ്ഞ് കാട്ടാന; വനപാലകർ തുരത്തിയതിന് ശേഷം യാത്ര തുടർന്നു

അതിരപ്പള്ളി: വനവകുപ്പ് മന്ത്രി ഷിബു ബേബി ജോൺ സഞ്ചരിച്ച വാഹനവ്യൂഹത്തിന് മുന്നിൽ കാട്ടാന എത്തിയതിനെ തുടർന്ന് യാത്ര താൽക്കാലികമായി തടസപ്പെട്ടു. ഇന്നലെ രാത്രി 11 മണിയോടെയായിരുന്നു സംഭവം.അതിരപ്പള്ളി വാഴച്ചാൽ മേഖലയിൽ കാട്ടാന ആക്രമണത്തിൽ കൊല്ലപ്പെട്ട മോഹനന്റെ വീട് സന്ദർശിക്കാൻ പോകുന്നതിനിടെയാണ് സംഭവം. ചേർപ്പാ ഭാഗത്ത് നിലയുറപ്പിച്ചിരുന്ന കാട്ടാന മന്ത്രിയുടെ അകമ്പടി വാഹനങ്ങൾക്ക് മുന്നിൽ എത്തി വഴി തടയുകയായിരുന്നു.തുടർന്ന് സ്ഥലത്തെത്തിയ വനപാലകർ സുരക്ഷാ നടപടികൾ സ്വീകരിച്ച് ആനയെ വനത്തിലേക്ക് തുരത്തി. ഇതിന് ശേഷമാണ് മന്ത്രിയുടെ വാഹനവ്യൂഹം യാത്ര തുടരുകയും വാഴച്ചാലിലേക്ക് പുറപ്പെടുകയും ചെയ്തത്.വന്യജീവി സാന്നിധ്യം പതിവായ മേഖലയായതിനാൽ പ്രദേശത്ത് സുരക്ഷാ ക്രമീകരണങ്ങൾ കൂടുതൽ ശക്തമാക്കിയതായി അധികൃതർ അറിയിച്ചു