ഏറെ ശ്രദ്ധേയമായ അട്ടപ്പാടി മധു വധക്കേസിൽ ഒന്നാം പ്രതിയെ വെറുതെ വിട്ട വിചാരണ കോടതിയുടെ നടപടി ഹൈക്കോടതി ശരിവച്ചു. തെളിവുകളുടെ അഭാവം കൊണ്ടാണ് ഒന്നാം പ്രതിയായ മേച്ചേരിയിൽ ഹുസൈനെ വെറുതെ വിട്ടതെന്ന് ഹൈക്കോടതി ഡിവിഷൻ ബെഞ്ച് വ്യക്തമാക്കി.
അതേസമയം കേസിലെ പതിനാറാം പ്രതിയായ മുനീറിന്റെ ശിക്ഷ കോടതി ഉയർത്തുകയും ചെയ്തു. കേസിൽ പ്രതികളുടെ പങ്കും ലഭ്യമായ തെളിവുകളും വിശദമായി പരിശോധിച്ച ശേഷമാണ് ഹൈക്കോടതിയുടെ തീരുമാനം.ആദിവാസി യുവാവായ മധുവിനെ മോഷണക്കുറ്റം ആരോപിച്ച് ആൾക്കൂട്ടം ക്രൂരമായി ആക്രമിച്ച സംഭവം സംസ്ഥാനത്താകെ വലിയ പ്രതിഷേധങ്ങൾക്ക് ഇടയാക്കിയിരുന്നു.മനുഷ്യാവകാശ ലംഘനവുമായി ബന്ധപ്പെട്ട് ദേശീയ തലത്തിലും കേസ് ചർച്ചയായിരുന്നു