കുറ്റിയാടി: ശക്തമായ മഴയെ തുടർന്ന് നിറഞ്ഞൊഴുകുന്ന കുറ്റിയാടിപ്പുഴയിൽ അമ്മയും കുഞ്ഞും ഒഴുക്കിൽപ്പെട്ട് മരിച്ചു. കൈതേരിമുക്ക് സ്വദേശിനിയായ രമ്യയും മകനുമാണ് മരിച്ചത്.സംഭവത്തെ തുടർന്ന് നാട്ടുകാരും രക്ഷാപ്രവർത്തകരും ചേർന്ന് തിരച്ചിൽ നടത്തിയെങ്കിലും ഇരുവരെയും രക്ഷിക്കാനായില്ല. മൃതദേഹങ്ങൾ കണ്ടെത്തി തുടർനടപടികൾക്കായി ആശുപത്രിയിലേക്ക് മാറ്റി.കനത്ത മഴ തുടരുന്ന സാഹചര്യത്തിൽ നദികൾ, തോടുകൾ, ജലാശയങ്ങൾ എന്നിവയുടെ സമീപത്ത് അതീവ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.കൂടുതൽ വിവരങ്ങൾ ലഭ്യമാകുന്നതനുസരിച്ച് വാർത്ത പുതുക്കുന്നതാണ്.