: കോഴിക്കോട് റെയിൽവേ സ്റ്റേഷനിലെ മൂന്നാം നമ്പർ പ്ലാറ്റ്ഫോമിനോട് ചേർന്ന പഴക്കം ചെന്ന കെട്ടിടഭാഗം തകർന്നുവീണു. സംഭവസമയത്ത് സമീപത്ത് യാത്രക്കാരുണ്ടായിരുന്നെങ്കിലും ആളപായമൊന്നും റിപ്പോർട്ട് ചെയ്തിട്ടില്ല. കെട്ടിടം തകർന്നുവീണതോടെ പ്രദേശത്ത് ആശങ്കയുണ്ടായെങ്കിലും വലിയ ദുരന്തമാണ് തലനാരിഴയ്ക്ക് ഒഴിവായത്. സംഭവത്തെ തുടർന്ന് റെയിൽവേ അധികൃതർ സ്ഥലത്തെത്തി പരിശോധന നടത്തി. സുരക്ഷാ മുൻകരുതലായി അപകടസാധ്യതയുള്ള ഭാഗങ്ങൾ അടച്ചുപൂട്ടാനും തുടർനടപടികൾ സ്വീകരിക്കാനുമാണ് തീരുമാനം.