:തിരുവനന്തപുരം: സംസ്ഥാനത്ത് ജൂലൈ 4 വരെ ഇടിമിന്നലോടുകൂടിയ ശക്തമായ മഴയ്ക്കും മണിക്കൂറില് 50 കിലോമീറ്റര് വരെ വേഗതയില് കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. വിവിധ ജില്ലകളില് ഒറ്റപ്പെട്ട ശക്തമായ മഴയ്ക്കും മോശം കാലാവസ്ഥക്കും സാധ്യതയുള്ളതിനാല് ജനങ്ങള് ജാഗ്രത പാലിക്കണമെന്ന് അധികൃതര് അറിയിച്ചു.മഹാരാഷ്ട്ര തീരം മുതല് കര്ണാടക തീരം വരെ സമുദ്രനിരപ്പില് തീരദേശ ന്യൂനമര്ദ പാത്തി നിലനില്ക്കുന്നതും, ബംഗാള് ഉള്ക്കടലില് പുതിയ ന്യൂനമര്ദ സാധ്യതയുമാണ് സംസ്ഥാനത്തെ മഴ ശക്തിപ്പെടാന് കാരണമാകുന്നത്. വടക്കന് കേരള തീരം വരെയുണ്ടായിരുന്ന തീരദേശ ന്യൂനമര്ദ പാത്തി ഇപ്പോള് കര്ണാടക-ഗുജറാത്ത് തീരത്തേക്കു മാറിയതായും കാലാവസ്ഥ വകുപ്പ് വ്യക്തമാക്കി.