ബെംഗളൂരു: പയ്യന്നൂരിൽ നിന്ന് ബെംഗളൂരുവിലേയ്ക്ക് പോയ കെഎസ്ആർടിസി ബസിന് തീപിടിച്ചു. വൈകീട്ട് 7 മണിയോടെ ബെംഗളൂരുവിന് സമീപമുള്ള കെങ്കേരിയിലായിരുന്നു സംഭവം. അപകടത്തിൽ ആർക്കും പരിക്കേറ്റിട്ടില്ല.ബസിന്റെ മുൻഭാഗത്താണ് തീപിടിത്തമുണ്ടായത്. പുക ഉയരുന്നത് ശ്രദ്ധയിൽപ്പെട്ടതോടെ ഡ്രൈവർ ബസ് നിർത്തി യാത്രക്കാരെയും ജീവനക്കാരെയും ഉടൻ പുറത്തിറക്കുകയായിരുന്നു. ഇതോടെ വലിയ ദുരന്തമാണ് ഒഴിവായത്.തീപിടിത്തത്തിന്റെ കാരണം ഇതുവരെ വ്യക്തമായിട്ടില്ല. സംഭവത്തെ തുടർന്ന് സ്ഥലത്ത് പരിഭ്രാന്തി പരന്നെങ്കിലും എല്ലാവരും സുരക്ഷിതമായി പുറത്തേക്കിറങ്ങിയതായി അധികൃതർ അറിയിച്ചു. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.