കള്ളാടി ദുരന്തത്തില് കാണാതായവര്ക്കായുള്ള തിരച്ചില് ഇന്നും തുടരും. രക്ഷാപ്രവര്ത്തനം മൂന്നാം ദിനത്തിലേക്ക് കടക്കുമ്പോള് അഞ്ച് പേരെയാണ് ഇനിയും കണ്ടെത്താനുള്ളത്. ഇന്നലെ നടത്തിയ വ്യാപകമായ തിരച്ചിലിലും ആരെയും കണ്ടെത്താന് സാധിച്ചിരുന്നില്ല. ഇന്ന് നാല് സോണുകളിലായി തിരച്ചില് ശക്തമാക്കാനാണ് തീരുമാനം.പരിശോധനയില് സൂചന ലഭിച്ച മൂന്നാം സോണിലും മീനാക്ഷി പുഴയിലുമായി ഇന്ന് പ്രത്യേക പരിശോധന നടത്തും. ഇന്നലത്തെ തിരച്ചിലിനിടെ കെഡാവര് നായകള് ചില സ്ഥലങ്ങളില് അടയാളം കാണിച്ചിരുന്നെങ്കിലും ആരെയും കണ്ടെത്താനായില്ല. കാണാതായവര് പുഴയിലൂടെ ഒഴുകിപ്പോയിട്ടുണ്ടോ എന്നറിയാനായി പുഴയിലും പരിശോധന നടത്തും.ഇന്നലെ രാത്രി മുതല് തുടരുന്ന ശക്തമായ മഴയും പുഴയിലെ കുത്തൊഴുക്കും തിരച്ചിലിന് വലിയ വെല്ലുവിളിയാകുന്നുണ്ട്. സംരക്ഷണഭിത്തി തകര്ന്ന ഭാഗത്തിന് മുകളിലായി വീണ്ടും മണ്ണിടിഞ്ഞതും ദൗത്യസംഘങ്ങളില് ആശങ്ക ഉയര്ത്തിയിട്ടുണ്ട്.മന്ത്രിമാരായ ടി. സിദ്ദിഖ്, എ.പി. അനില്കുമാര് എന്നിവര് ജില്ലയില് തുടരുന്നുണ്ട്. ദുരന്തത്തെക്കുറിച്ച് അന്വേഷിക്കാന് പ്രത്യേക സമിതി ഇന്ന് രൂപീകരിക്കുമെന്നാണ് വിവരം. പ്രതിപക്ഷനേതാവ് പിണറായി വിജയനും ഇന്ന് ദുരന്തസ്ഥലമായ കള്ളാടി സന്ദര്ശിക്കും.