രാമനാട്ടുകര: ബസ് സ്റ്റാൻഡിന് മുൻവശത്ത് റോഡിന്റെ നടുവിലായി സ്ഥാപിച്ചിരിക്കുന്ന പരസ്യബോർഡുകൾ സീബ്രാ ലൈനിന് സമീപമുള്ള കാഴ്ച മറച്ച് അപകടഭീഷണി ഉയർത്തുന്നതായി പരാതി. റോഡ് മുറിച്ചുകടക്കുന്ന കാൽനടയാത്രക്കാരെയും വാഹനയാത്രക്കാരെയും ഒരുപോലെ ബുദ്ധിമുട്ടിലാക്കുന്ന രീതിയിലാണ് ബോർഡുകൾ സ്ഥാപിച്ചിരിക്കുന്നതെന്ന് നാട്ടുകാർ ആരോപിക്കുന്നു. പ്രത്യേകിച്ച് തിരക്കേറിയ സമയങ്ങളിൽ വാഹനങ്ങൾ വരുന്നത് വ്യക്തമായി കാണാനാകാത്തത് അപകടസാധ്യത വർധിപ്പിക്കുന്നുവെന്നാണ് ആശങ്ക. പൊതുജനങ്ങളുടെ സുരക്ഷ മുൻനിർത്തി ഇത്തരം പരസ്യബോർഡുകൾ അടിയന്തരമായി നീക്കം ചെയ്യാൻ ബന്ധപ്പെട്ട അധികൃതർ നടപടി സ്വീകരിക്കണമെന്നാവശ്യപ്പെട്ട് പ്രതിഷേധം ശക്തമാകുകയാണ്.