കോഴിക്കോട്: 10,000 രൂപ കൈക്കൂലി വാങ്ങുന്നതിനിടെ കോഴിക്കോട് ജില്ലാ പഞ്ചായത്തിലെ ഓവർസിയറായ നവീൻ വിജിലൻസ് സംഘത്തിന്റെ പിടിയിലായി. പരാതിക്കാരനിൽ നിന്ന് കൈക്കൂലി കൈപ്പറ്റുന്നതിനിടെയാണ് വിജിലൻസ് ഉദ്യോഗസ്ഥർ ഇയാളെ പിടികൂടിയത്.ഒരു ഔദ്യോഗിക നടപടിയുമായി ബന്ധപ്പെട്ടാണ് കൈക്കൂലി ആവശ്യപ്പെട്ടതെന്നാണ് വിവരം. ഇതുസംബന്ധിച്ച് ലഭിച്ച പരാതിയുടെ അടിസ്ഥാനത്തിൽ വിജിലൻസ് സംഘം നടത്തിയ നീക്കത്തിനൊടുവിലാണ് അറസ്റ്റ്.ഇതിനുമുമ്പും വിവിധ ആവശ്യങ്ങൾക്കായി പലരോടും നവീൻ കൈക്കൂലി ആവശ്യപ്പെട്ടിരുന്നതായി പരാതിക്കാരൻ ആരോപിച്ചു. സംഭവത്തിൽ വിജിലൻസ് വിശദമായ അന്വേഷണം ആരംഭിച്ചിട്ടുണ്ട്.