KSSPU സംസ്ഥാന സമ്മേളനത്തോടനുബന്ധിച്ച് നടന്ന പൊതുസമ്മേളനത്തിലേക്ക് ആയിരക്കണക്കിന് ആളുകൾ എത്തിയതോടെ കോഴിക്കോട് നഗരത്തിൽ വൻ ഗതാഗതക്കുരുക്ക് അനുഭവപ്പെട്ടു. പ്രത്യേകിച്ച് മാനാഞ്ചിറ – മലാപ്പറമ്പ് റോഡിൽ മണിക്കൂറുകളോളം വാഹനങ്ങൾ കുടുങ്ങിക്കിടന്നത് യാത്രക്കാരെ ദുരിതത്തിലാഴ്ത്തി.വൈകുന്നേരം ആരംഭിച്ച തിരക്ക് രാത്രി വരെ നീണ്ടുനിന്നു. നഗരത്തിന്റെ വിവിധ ഭാഗങ്ങളിൽ നിന്ന് എത്തിയ വാഹനങ്ങളുടെ നീണ്ടനിര കാരണം പ്രധാന ജംഗ്ഷനുകളിലുടനീളം ഗതാഗത നിയന്ത്രണം താളം തെറ്റി. സ്വകാര്യ ബസുകൾ, കെഎസ്ആർടിസി സർവീസുകൾ, ആംബുലൻസുകൾ ഉൾപ്പെടെയുള്ള വാഹനങ്ങൾക്കും കടന്നുപോകാൻ ബുദ്ധിമുട്ട് നേരിട്ടതായി യാത്രക്കാർ പറഞ്ഞു.പൊതുസമ്മേളന വേദിയിലേക്ക് ആളുകൾ ഒഴുകിയെത്തിയതും പാർക്കിംഗ് സൗകര്യങ്ങളുടെ അപര്യാപ്തതയും ഗതാഗതക്കുരുക്ക് രൂക്ഷമാകാൻ കാരണമായെന്നാണ് വിലയിരുത്തൽ. സ്ഥലങ്ങളിൽ പോലീസ് ഗതാഗത നിയന്ത്രണം ശക്തമാക്കിയെങ്കിലും തിരക്ക് മണിക്കൂറുകളോളം തുടരുകയായിരുന്നു.