കേരള നിയമസഭയുടെ പുതിയ സ്പീക്കറെ തിരഞ്ഞെടുക്കാനുള്ള നിർണായക വോട്ടെടുപ്പ് ഇന്ന് നടക്കും. ഭരണപക്ഷമായ യുഡിഎഫിന്റെ സ്ഥാനാർഥിയായി തിരുവഞ്ചൂർ രാധാകൃഷ്ണൻ മത്സരിക്കുമ്പോൾ, പ്രതിപക്ഷമായ എൽഡിഎഫ് A. C. മൊയ്ദീൻ നെ സ്ഥാനാർഥിയാക്കി രംഗത്തിറക്കിയിട്ടുണ്ട്. ബിജെപിയുടെ ഭാഗത്ത് നിന്ന് ചാത്തന്നൂർ എംഎൽഎയായ B. B. ഗോപകുമാർ നേയും മത്സരരംഗത്തുണ്ട്.ഇന്ന് രാവിലെ നിയമസഭ സമ്മേളനം ആരംഭിച്ച ശേഷം പ്രോ ടെം സ്പീക്കറായ G. സുധാകരൻ സ്പീക്കർ തിരഞ്ഞെടുപ്പിനുള്ള നടപടിക്രമങ്ങൾ പ്രഖ്യാപിക്കും. തുടർന്ന് അംഗങ്ങൾ രഹസ്യ ബാലറ്റ് മുഖേന വോട്ട് രേഖപ്പെടുത്തും. പുതിയ സ്പീക്കറെ തിരഞ്ഞെടുക്കുന്ന നടപടികൾ രാഷ്ട്രീയപരമായും നിയമസഭയുടെ ഭാവി പ്രവർത്തനങ്ങളിലും നിർണായകമാണെന്നാണ് വിലയിരുത്തൽ.നിയമസഭയിൽ നിലവിൽ യുഡിഎഫിന് വ്യക്തമായ ഭൂരിപക്ഷമുണ്ടെന്നതിനാൽ തിരുവഞ്ചൂർ രാധാകൃഷ്ണൻ സ്പീക്കർ സ്ഥാനത്തേക്ക് തെരഞ്ഞെടുക്കപ്പെടുമെന്നാണ് രാഷ്ട്രീയ നിരീക്ഷകർ കരുതുന്നത്. സഭയിൽ ഭരണപക്ഷത്തിന് 102 അംഗങ്ങളുടെ പിന്തുണയുള്ളത് അദ്ദേഹത്തിന് വലിയ മുൻതൂക്കം നൽകുന്ന ഘടകമാണ്.ദീർഘകാല രാഷ്ട്രീയ പ്രവർത്തന പരിചയമുള്ള നേതാവാണ് തിരുവഞ്ചൂർ രാധാകൃഷ്ണൻ. മുൻ മന്ത്രിയായും വിവിധ സുപ്രധാന വകുപ്പുകളുടെ ചുമതല വഹിച്ചിട്ടുള്ള അദ്ദേഹത്തിന്റെ ഭരണപരിചയം സ്പീക്കർ സ്ഥാനത്തും ഗുണകരമാകുമെന്ന പ്രതീക്ഷ ഭരണപക്ഷം പങ്കുവയ്ക്കുന്നു. അതേസമയം, എൽഡിഎഫ് സ്ഥാനാർഥിയായ എ.സി. മൊയ്തീനും ശക്തമായ രാഷ്ട്രീയ അനുഭവ സമ്പത്തോടെയാണ് മത്സരരംഗത്തുള്ളത്.സ്പീക്കർ തിരഞ്ഞെടുപ്പ് പൂർത്തിയായതിന് ശേഷം പുതിയ സ്പീക്കർ സഭയെ അഭിസംബോധന ചെയ്യുകയും തുടർന്ന് വെള്ളിയാഴ്ചത്തെ സഭാ സമ്മേളന നടപടികൾ അവസാനിക്കുകയും ചെയ്യും. പുതിയ സർക്കാരിന്റെ കാലയളവിലെ ആദ്യ പ്രധാന സഭാ നടപടിയായതിനാൽ ഇന്നത്തെ തിരഞ്ഞെടുപ്പിന് വലിയ രാഷ്ട്രീയ പ്രാധാന്യമാണ് ലഭിക്കുന്നത്.