വ്യത്യസ്തമായ പേരും പ്രചാരണ ശൈലിയും കൊണ്ട് “കോക്രോച്ച് ജനത പാർട്ടി” സോഷ്യൽ മീഡിയയിൽ ശ്രദ്ധ നേടുന്നു. യുവാക്കളെ കേന്ദ്രീകരിച്ച് ആരംഭിച്ച രാഷ്ട്രീയ-സാമൂഹിക കൂട്ടായ്മയെന്നാണ് പാർട്ടി നേതൃത്വം അവകാശപ്പെടുന്നത്. അഴിമതി, തൊഴിലില്ലായ്മ, യുവജന പ്രശ്നങ്ങൾ തുടങ്ങിയ വിഷയങ്ങളിൽ ശക്തമായ നിലപാട് സ്വീകരിക്കുമെന്നാണ് നേതാക്കളുടെ പ്രതികരണം.സാമൂഹ്യമാധ്യമങ്ങളിലൂടെയാണ് പാർട്ടിയുടെ പ്രചാരണം കൂടുതൽ സജീവമാകുന്നത്. വ്യത്യസ്ത പോസ്റ്ററുകളും ട്രോൾ ശൈലിയിലുള്ള പ്രചാരണങ്ങളും കാരണം പാർട്ടി കുറച്ചുസമയം കൊണ്ടുതന്നെ ശ്രദ്ധ നേടിയിട്ടുണ്ട്. ചിലർ ഇത് പുതിയ രാഷ്ട്രീയ പരീക്ഷണമെന്നു വിശേഷിപ്പിക്കുമ്പോൾ, മറ്റുചിലർ ട്രോൾ രാഷ്ട്രീയം മാത്രമാണെന്ന വിമർശനവും ഉയർത്തുന്നു.അതേസമയം, വരുന്ന തദ്ദേശ തിരഞ്ഞെടുപ്പിൽ ചില വാർഡുകളിൽ സ്ഥാനാർഥികളെ മത്സരിപ്പിക്കാനുള്ള ആലോചന പാർട്ടിക്കുണ്ടെന്ന സൂചനകളും പുറത്തുവരുന്നുണ്ട്. യുവാക്കളുടെ പിന്തുണ നേടാനാണ് പ്രധാന ശ്രമമെന്നാണ് വിലയിരുത്തൽ.