വയനാട് ജില്ലയിലെ പെരിക്കല്ലൂരിനെയും കർണാടകയിലെ കുടക് ജില്ലയിലെ ബൈരക്കുപ്പയെയും ബന്ധിപ്പിക്കുന്ന ബൈരക്കൂപ്പ പാലം യാഥാർഥ്യമാകുന്നതിനുള്ള നടപടികൾ വേഗത്തിലാക്കുമെന്ന് കർണാടക ഉപമുഖ്യമന്ത്രി കൂടിയായ ഡി.കെ. ശിവകുമാർ, കേരള പൊതുമരാമത്ത് വകുപ്പ് മന്ത്രി പി.കെ. ബഷീറിന് ഉറപ്പ് നൽകി.ബംഗളൂരുവിൽ നടന്ന ചർച്ചയിൽ പാലം നിർമ്മാണവുമായി ബന്ധപ്പെട്ട വിഷയങ്ങൾ ഉടൻ മന്ത്രിസഭാ യോഗത്തിൽ അവതരിപ്പിക്കുമെന്നും ആവശ്യമായ നിർദേശങ്ങൾ നൽകിയിട്ടുണ്ടെന്നും അദ്ദേഹം അറിയിച്ചു.1994-ൽ തറക്കല്ലിട്ട പദ്ധതിയുടെ കേരള ഭാഗത്തെ അപ്രോച്ച് റോഡ് ഇതിനകം പൂർത്തിയായിട്ടുണ്ട്. കർണാടക ഭാഗത്തെ ഭൂമി ഏറ്റെടുക്കലും അനുമതികളും ലഭ്യമാകുന്നതോടെ പദ്ധതിക്ക് പുതിയ ജീവൻ ലഭിക്കും.പാലം യാഥാർഥ്യമാകുന്നതോടെ വയനാട്-മൈസൂരു-ബെംഗളൂരു യാത്ര കൂടുതൽ എളുപ്പമാകുകയും യാത്രാദൂരവും സമയവും ഗണ്യമായി കുറയുകയും ചെയ്യും. ടൂറിസം, വ്യാപാരം, കാർഷിക മേഖലകൾക്കും പദ്ധതി വലിയ ഉണർവ് നൽകുമെന്നാണ് വിലയിരുത്തൽ.