ഓട്ടോ നിരക്ക് വർധന ആവശ്യപ്പെട്ട് സമരത്തിന് തൊഴിലാളികൾ

ഇന്ധനവില, ഇൻഷുറൻസ്, സ്പെയർ പാർട്സ്, അറ്റകുറ്റപ്പണി ചെലവുകൾ എന്നിവ കുത്തനെ ഉയർന്ന സാഹചര്യത്തിൽ ഓട്ടോ നിരക്ക് വർധിപ്പിക്കണമെന്ന ആവശ്യവുമായി സംസ്ഥാനത്തെ ഓട്ടോ തൊഴിലാളികൾ സമരത്തിലേക്ക്.നിലവിലെ നിരക്കിൽ സർവീസ് നടത്തുന്നത് സാമ്പത്തികമായി പ്രയാസകരമാണെന്ന് ചൂണ്ടിക്കാട്ടുന്ന തൊഴിലാളി സംഘടനകൾ, മിനിമം ചാർജ് 50 രൂപയാക്കുകയും, തുടർന്ന് ഓരോ കിലോമീറ്ററിനും 25 രൂപ നിരക്ക് അനുവദിക്കണമെന്നും ആവശ്യപ്പെടുന്നു.ഇക്കാര്യം ഉന്നയിച്ച് മുഖ്യമന്ത്രിക്കും ഗതാഗത മന്ത്രിക്കും പരാതി നൽകിയിട്ടുണ്ടെന്ന് സംഘടനകൾ അറിയിച്ചു. **സി.ഐ.ടി.യു.**യും ഓൾ കേരള സ്വതന്ത്ര ഓട്ടോ തൊഴിലാളി യൂണിയനും വിവിധ സമരപരിപാടികൾ പ്രഖ്യാപിച്ചിട്ടുണ്ട്.📢 ഈ മാസം 16-ന് സെക്രട്ടേറിയറ്റിലേക്ക് മാർച്ചും സംസ്ഥാനത്തെ വിവിധ ജില്ലകളിൽ കളക്ടറേറ്റ് മാർച്ചുകളും സംഘടിപ്പിക്കാനാണ് തീരുമാനം.ഇന്ധനവില വർധനയും വാഹന പരിപാലനച്ചെലവിലെ കുതിച്ചുചാട്ടവും മൂലം നിലവിലെ ഓട്ടോ ചാർജ് പ്രായോഗികമല്ലെന്നാണ് തൊഴിലാളികളുടെ വാദം. എന്നാൽ നിരക്ക് വർധനവ് സാധാരണ യാത്രക്കാരുടെ യാത്രാചെലവ് വർധിപ്പിക്കുമെന്ന ആശങ്കയും ഉയരുന്നുണ്ട്.#AutoRickshaw #AutoChargeHike #KeralaNews #AutoWorkers #Strike #FuelPrice #Kerala #NewsUpdate