കുറ്റ്യാടി ചുരം മേഖലയിലുടനീളം തുടരുന്ന ശക്തമായ മഴയെ തുടര്ന്ന് തൊട്ടില്പാലം പുഴയുടെ കൈവഴിയായ പട്ട്യാട്ട് പുഴയില് മലവെള്ളപ്പാച്ചില് ശക്തമായി. മലയോര മേഖലകളില്നിന്നുള്ള കനത്ത ഒഴുക്കിനെ തുടര്ന്ന് തൊട്ടില്പാലം പുഴയിലും ജലനിരപ്പ് ഉയരാന് സാധ്യതയുണ്ടെന്ന് പ്രദേശവാസികള്ക്കും അധികൃതര്ക്കും മുന്നറിയിപ്പ്. പുഴയോരങ്ങളിലും താഴ്ന്ന പ്രദേശങ്ങളിലുമുള്ളവര് ജാഗ്രത പാലിക്കണമെന്നും, അനാവശ്യമായി വെള്ളത്തിനരികിലേക്ക് പോകാതിരിക്കണമെന്നും നിര്ദേശം നല്കിയിട്ടുണ്ട്. മഴ തുടരുന്ന സാഹചര്യത്തില് സ്ഥിതിഗതികള് നിരീക്ഷിച്ചുവരികയാണ്.