രാമനാട്ടുകര: പെരുമുഖം റോഡിന്റെ ആരംഭ ഭാഗത്ത് ചെറിയ മഴ പെയ്താലും രൂപപ്പെടുന്ന വെള്ളക്കെട്ട് കാൽനടയാത്രക്കാർക്ക് വലിയ ദുരിതവും അപകടസാധ്യതയും സൃഷ്ടിക്കുന്നതായി നാട്ടുകാർ പരാതി പറയുന്നു.റോഡരികിൽ നടപ്പാതയില്ലാത്തതിനാൽ യാത്രക്കാർക്ക് വാഹനങ്ങൾ സഞ്ചരിക്കുന്ന നടുറോഡിലൂടെ നടക്കേണ്ട അവസ്ഥയാണ്. വെള്ളക്കെട്ട് ഒഴിവാക്കാൻ വഴിയില്ലാത്തതിനാൽ മലിനജലത്തിലൂടെ നടക്കേണ്ടി വരുന്നതും പകർച്ചവ്യാധി ഭീഷണി ഉയർത്തുന്നതായും പ്രദേശവാസികൾ ചൂണ്ടിക്കാട്ടുന്നു.മഴക്കാലത്ത് സ്ഥിതി കൂടുതൽ രൂക്ഷമാകുന്നതിനാൽ വെള്ളക്കെട്ടിന് ശാശ്വത പരിഹാരം കാണണമെന്നും കാൽനടയാത്രക്കാരുടെ സുരക്ഷ ഉറപ്പാക്കാൻ ആവശ്യമായ നടപടികൾ അടിയന്തരമായി സ്വീകരിക്കണമെന്നും നാട്ടുകാർ ബന്ധപ്പെട്ട അധികൃതരോട് ആവശ്യപ്പെട്ടു.