കോഴിക്കോട്: ബന്ദിപ്പൂർ വനപാതയിലെ രാത്രിയാത്രാ നിയന്ത്രണത്തിൽ ഇളവ് അനുവദിക്കുന്ന കാര്യം പരിഗണിക്കാമെന്ന് കർണാടക സർക്കാർ ഉറപ്പു നൽകിയതായി എം.കെ. രാഘവൻ എം.പി. അറിയിച്ചു. വിഷയത്തിൽ കർണാടക ഉപമുഖ്യമന്ത്രി D. K. ശിവകുമാർ യുമായി നടത്തിയ കൂടിക്കാഴ്ചയിലാണ് അനുകൂല പ്രതികരണം ലഭിച്ചതെന്ന് അദ്ദേഹം വ്യക്തമാക്കി.കേരളം മുന്നോട്ടുവച്ച മേൽപാല നിർമാണ പദ്ധതിക്ക് സഹകരണം തേടിയാണ് ചർച്ച നടത്തിയത്. കൊല്ലേഗൽ–കോഴിക്കോട് ദേശീയപാത 766 കടന്നുപോകുന്ന ബന്ദിപ്പൂർ വനമേഖലയിൽ വന്യജീവികളുടെ സഞ്ചാരത്തെ ബാധിക്കാതെ അഞ്ച് മേൽപാലങ്ങൾ നിർമിക്കാനുള്ള നിർദേശമാണ് കേരളം മുന്നോട്ടുവച്ചിരിക്കുന്നത്.എന്നാൽ, ഈ പദ്ധതിക്ക് അനുമതി നൽകാനാവില്ലെന്ന് 2019-ൽ കേന്ദ്ര വനം-പരിസ്ഥിതി മന്ത്രാലയം അറിയിച്ചിരുന്നു. വന്യജീവി സംരക്ഷണവുമായി ബന്ധപ്പെട്ട ആശങ്കകളാണ് അന്നത്തെ തീരുമാനത്തിന് പിന്നിൽ.ഇതിനിടെ, വനമേഖലയിലൂടെ 20 കിലോമീറ്റർ ദൈർഘ്യമുള്ള ആറുവരി തുരങ്കപ്പാത നിർമിക്കണമെന്ന നിർദേശവും വീണ്ടും ചർച്ചയാകുകയാണ്. Priyanka Gandhiയുടെ നിർദേശത്തെ തുടർന്ന് സുപ്രീം കോടതി നിയോഗിച്ച ഉന്നതാധികാര സമിതി കഴിഞ്ഞ മാസം ബന്ദിപ്പൂർ സന്ദർശിച്ച് സ്ഥിതിഗതികൾ വിലയിരുത്തിയിരുന്നു.സുപ്രീം കോടതിയുടെ നിർദേശപ്രകാരം 2009 മുതൽ ബന്ദിപ്പൂർ വനപാതയിൽ രാത്രി 9 മണി മുതൽ രാവിലെ 6 മണി വരെ വാഹനഗതാഗത നിയന്ത്രണം നിലവിലുണ്ട്. കേരളവും കർണാടകയും തമ്മിലുള്ള പ്രധാന യാത്രാമാർഗമായതിനാൽ നിയന്ത്രണത്തിൽ ഇളവ് വേണമെന്ന ആവശ്യം വർഷങ്ങളായി ശക്തമാണ്..